RELIQUIAE Victimarum comburendi ritus

RELIQUIAE Victimarum comburendi ritus

in Vet. Test. occurrit Exodi c. 12. v. 10. ubi de Agno Paschali, Ne relinquite quicquam ex ea (agni carne) usque ad matutinum tempus sed, si quid reliquum erit, comburite. Cuiusmodi quoque fuêre Leges in omnibus sacris conviviis, Sic de Manna Exodi c. 16. v. 19. Nemo ex ea quicquam relinquat usque in crastinum. Et de sacrificio Eucharistico Levit. c. 22. v. 30. Eôdem die illud comedetis, nec ex eo quidquam reliquum facietis, etc. Transiit inde ad Gentes, uti vidimus supra ubi de Pridianis Dapibus. De Reliquiis S. Cenae vide supra vode Eulogiae alibique, uti de Reliquiis conviviorum, plura apud Cl. Rittershusium, Lect. Sacr. l. 6. c. 13. uti supra, voce Analecta, it. Pincerna.